කොළඹ රථ වාහන තදබදය අවම කිරීමේ තවත් උත්සහයක් ලෙස මගී ප්රවාහන බෝට්ටු සේවයක් අද (22) සිට ආරම්භ කෙරේ . යූනියන් පෙදෙස සිට කොළඹ කොටුව දක්වා බේරේ වැව ඔස්සේ මෙම බෝට්ටු සේවය ක‍්‍රියාත්මක වනු ඇත.
මහනගර සහ බස්නාහිර සංවර්ධන අමාත්‍යංශය යටතේ ශ‍්‍රී ලංකා ඉඩම් සංවර්ධනය කිරීමේ සංස්ථාව මෙහි මෙහෙයුම් කටයුතු සිදු කරයි. මෙහිදී මගී ප‍්‍රවාහනය සඳහා වායු සමීකරණය කරන ලද බෝට්ටු යොදා ගැනේ.
යූනියන් පෙදෙසේ සිට කොළඹ කොටුව දක්වා බස් රථයකින් ගමන් කිරීමට කාර්ය බහුල අවස්ථාවකදී විනාඩි 30ක් ගත වුවද, බේරේ වැව ඔස්සේ බෝට්ටුවෙන් එම ගමන සඳහා ගතවන්නේ මිනිත්තු 10ක් පමණක් පමනි.
ජනතාවගේ උනන්දුව මත ඉදිරියේ දී තවත් බෝට්ටු යොදා මෙම වැඩපිලිවෙල ව්‍යාප්ත කිරීමට ද අදහස් කෙරේ. ඒ අනුව මෙහි සාර්ථකත්වය අනුව ඉදිරියේදී වැල්ලවත්තේ සිට බත්තරමුල්ල දක්වාත්, මට්ටක්කුලියේ සිට හංවැල්ල දක්වාත්, මට්ටක්කුලියේ සිට මීගමුව දක්වාත් මගී ප්රවාහන සේවාවන් ආරම්භ කිරීමේ හැකියාවක් ඇති බව අදාල බලධාරින් පෙන්වා දෙයි.
wcenews
No comments:
Post a Comment